Da Last Plesiosaur



magrittes-idea2oil

Eftir aw dat fechtin,

aw dat movin an hidin an listenin an warnin,

we fund dis lang deep dark loch

awa up idda Nord

whaur at lang last we’d be left tae oorsels,

left in peace.

Or so we thocht .

*

WHWHWHU R R R R Z Z Z

Oot o da blue

*

SSSPPPLAAAASHSHSH

dis muckle chukkie da size o da mune

cam  thunderin doon,

dis muckle stane 

cam whudderindudderinspludderin doon

wheechin us aa,

da hale shebang o us,

muddirsfaidderssistersbruddersdochterssons,

wheechin us aa in ae fell swoop

                             cept me

                                            aa cept me

                                                                    aa except me

*     *     *     *     *

Aa dat wis lang syne,

lang lang syne.

Nooadays A cannae even see

bit still

fae time tae time

A poke ma heid oot o da waatir

oot o da cal dark  waatir

an mak a sort o saft lang moanin soon

OOOOOAWAWAWAWAMMMMPHPHPH

OOOAWAWMMMMPHPH

OOOOOMMMPH

bit der’s niver ony anserin caa,

niver iver.

LANZA NEW

No dat A expect der tae be.

No dat A’d ken whit tae dae

if der wis.